Научно објаснување на Реики
Истражувањата покажуваат дека за време на Реики сесија мозочните бранови на лечителот и клиентот се синхронизирани во алфа ниво, а пулсот е синхронизиран со магнетното поле на земјата.
Реики е јапонска техника за канализирање на Универзалната животна енергија. Тоа е природен метод за лечење на основно (физичко) ниво, кој ја користи животната енергија на Универзумот, имајќи за посредник лечител, кој е врската помеѓу Небото и Земјата (дуален принцип на Светот).
Се претпоставува дека Реики е древна лечителска способност со непознато потекло. Модерниот систем Реики е познат од 1923 година, кога Микао Узуи (јапонски учител) почнал да бара одговор на прашањето „Како Исус Христос ги лекувал болните само со допир на раката?“ Еден ден, во разговор со група ученици од семинаријата на кои им претстоело дипломирање , му било поставено прашањето . Студентите сакале да знаат зошто во денешни времиња, немало такви исцелители како Христос, со оглед на тоа дека во библијата пишувало дека тој им рекол на апостолите си „лекувајте ги болните и оживувајте ги мртвите“. Тие сакале потврда „во живо“, а не само теоретски, дека овој вид на лекување е можно.